இன்றைய குறள்

*அன்பு நண்பர்களே! உற்சாகமான காலை வணக்கம்!*

*குறள் 879:*

இளைதாக முள்மரம் கொல்க களையுநர்

கைகொல்லும் காழ்த்த இடத்து.

*கலைஞர் மு.கருணாநிதி  உரை:*

முள்மரத்தை, அது சிறிய கன்றாக இருக்கும்போதே கிள்ளி எறிவது போல, பகையையும், அது முற்றுவதற்கு முன்பே வீழ்த்திட வேண்டும்.

*மு.வ உரை:*

முள் மரத்தை இளையதாக இருக்கும் போதே வெட்ட வேண்டும், காழ்ப்பு ஏறி முதிர்ந்த போது வெட்டுகின்றவரின் கையை அது வருத்தும்.

*சாலமன் பாப்பையா உரை:*

நம்மை அழி்க்க எண்ணும் முள் மரத்தை அது வளரும்போதே அழி்த்து விடுக; வளர்ந்து விட்டால் அழிக்க எண்ணுபவரின் கையை அது அழிக்கும்.

*பரிமேலழகர் உரை:*

முள்மரம் இளைதாகக் கொல்க - களைய வேண்டுவதாய முள்மரத்தை இளைதாய நிலைமைக்கண் களைக; காழ்த்த இடத்துக் களையுநர் கைகொல்லும் - அன்றியே முதிர்ந்த நிலைமைக்கண் களையலுறின் களைவார் கையினை அதுதான் களையும். (களைப்படுவதாய தம் பகையை அது மெலிதாய காலத்தே களைக, அன்றியே, வலிதாய காலத்துக் களையலுறின், தம்மை அதுதான் களையும் என்பது தோன்ற நின்றமையின், இது பிறிது மொழிதல், இதனான் களையும் பருவம் கூறப்பட்டது.).

*மணக்குடவர் உரை:*

முள்மரத்தை இளைதாகவே களைக: முற்றினவிடத்துத் தன்னைக் களைவார் கையைக் கொல்லுமாதலால். இது பகைவர் வலியராவதன்முன்னே களைதல் வேண்டுமென்றது.

*Translation:*

Destroy the thorn, while tender point can work thee no offence;

Matured by time, 'twill pierce the hand that plucks it thence.

*Explanation:*

A thorny tree should be felled while young, (for) when it is grown it will destroy the hand of the feller.

🍀🌹💐🌺🥀🌴🌺🌷💐🌹🍀

*இந்த நாள் மிக இனிய நாள்!*👌🌿☘️🌳🌻🥀🌺 *வாழ்க வளமுடன்!*👍🤝🌹💐🌷🌴☘️